Tum Nai Jaante..!!

(An open letter to the exes out there)

Tum nahi jaante hum tujhse kitna pyaar karte the,

Ke humari in tanha raato mein kitna tujhe yaad karte the.

Kya tum jaante ho tumhare liye mera ishq kitna sacha tha,

Ke tumse juda har dhaga mera kitna pakka tha.

Shayad tum nahi jaante tumhara woh haath pakadna kitna acha mujhe lagta tha. Ke tumhare saamne iss duniya ka nataa kitna kaccha mujhe lagta tha.

Tum ye toh bilkul nahi tumhari inn bahoo mein kitni shaamein humne guzari thi,

Ke tumse judi har yaad aaj bhi kitni mujhe pyaari thi.

Tum nahi jaante tumhare liye kitne jhut apne ammi se bole the,

Ke tumhare sath apne mustakbil ke kitne sapne humne sajoye the.

Tum ye bhi nahi jaante tumhare laboo ke liye mere lab kitna tarse hai,

Ke tumhare kaaran mere takiye pe kitne baadal barse hai.

Tum shayad ye bhi nai jaante tumhare bina iss bheed mein kitna akela khudko paati hu,

Ke aaj ek arse baad phirse nind ko gale laga nahi paayi hu.

Kya tum jaante ho tumse ladkar kitna khudko humne koosa tha,

Ke har raat tut kar kaise khudko maine batoora tha.

Tum ye toh jaante hi nahi tumhare liye ye palke humari kitna rooyi thi,

Ke tumhare ek message ke intezaar mein raate kitni humne khoyi thi.

Tum kuch nai jaante...

Lekin ab iss baat ka hume koi ghum nahi jaana,

Kyuki tum toh ye bhi nahi jaante ke ab hum tumse kitni nafrat kiya karte hai.